Tuesday, April 15, 2014

மல்லிப்பட்டினத்தில் நடந்த்து என்ன?




காலையில் பத்ரிகையை புரட்டியதும் மல்லிப்பட்டினத்தில் கலவரம் என்ற செய்தி அதிர்ச்சியளித்த்து.

ஓட்டுக்கேட்டு அந்த வழியாக சென்ற பா ஜ கவின் வேட்பாளரை முஸ்லிம்கள் தடுத்த்தாகவும் அதையும் மீறி உள்ளே சென்ற வேட்பாளரின் வாகனத்தை முஸ்லிம் இளைஞர்கள் கற்களால தாக்கியதால் வேட்பாளரும் அவருடன் இருந்தவர்களும் காயமடைந்த்தாகவும் . அதன் பிறகு வன்முறை சம்பவத்தில் சில வாகன்ங்களுக்கும் ஒரு வீட்டுக்கு தீ வைக்கப்பட்ட்தாக் அந்தச் செய்தி கூறியது.

மல்லிப்பட்டினத்தில் பணியாற்றும் இமாம் ஒருவரையும் அந்த ஊரின் பிரதான மீனவர் சங்க பிரமுகர் ஒருவரை தொடர்பு கொண்டு விசாரித்த்த போது கீழ் காணும் செய்திகள் அறியக் கிடைத்தன.

இராமநாதபுரம் தொகுதியில் இரு கட்சிகளும் முஸ்லிம் வேட்பாளரை நிறுத்தி இருப்பதால் எப்படியாவது அங்கு வென்று விட வேண்டும் என்பதை பா ஜ க் ஒரு தேசிய தீர்மாணமாகவே வைத்திருக்கிறது. திருவாளர் மோடி வருகிற 16 ம் தேதி இராமநாதபுரத்தில் பிரச்சாரம் செய்ய இருக்கிறார். இரமாநாதபுரம் வேட்பாளராக ஹெச் இராசா நிறுத்தப்படலாம் என்ற எதிர்பார்ப்பு இருந்த்து, ஆனால் கருப்பு என்கிற முருகானந்த்த்தை பா ஜ க வேட்பாளராக அறிவித்தது பொதுவான வாக்காளர்களை ஆச்சரியப்படுதியது. காரணம் முத்துப் பேட்டைக்கு அருகே உள்ள தம்பிக் கோட்டை என்ற பகுதியை சார்ந்த கருப்பின் மீது அத்தனை கிரிமினல் வழக்குகள் உள்ளன. சுமார் 20 க்கும் மேற்பட்ட கிரிமினல வழக்குகளில் பல கொலை வழக்குகள். பா ஜ கவும் இந்துத்துவ சக்திகளும் இவரை முன்னிறுத்தியதற்கு ஒற்றைக் காரணம், இவர் அந்தப் பகுதியில் முஸ்லிம்களை அச்சுறுத்துகிற ஒரே சக்தி.

முஸ்லிம்கள அச்சப்படக்காரணம் அமைதியாக இருக்கிற கிராமங்களுக்கு ஒரு முறை கருப்பு வந்தால் பின்னால் தானாகவே கலவரம் வந்து விடும் என்பது தான்.

இராமநாதபுரம் தொகுதிக்கு உட்டபட்ட முஸ்லிம்க பெருவாரியாக வாழ்கிற மல்லிப்பட்டினம் பள்ளிவாசல் வழியே பிர்ச்சாரம செய்ய அனுமதிக்கு மாறு கருப்பு கோரியிருக்கிறார். அதை அந்தப் பகுதி மக்கள் மறுத்திருக்கிறார்கள். தன்னையும் தன்னுடைய வாகனத்தையும் அனுமதிக்குமாறு தான் பேசாமல் அந்த இட்த்தை கடந்து சென்ரு விடப்போவதாகவும் கூறியிருக்கிறார். ஊர் ஜமாத்தார்களும் பெரியவர்களும் அனுமதித்து விடலாம் என்று கூறியிருக்கிறார்கள். அப்போது இளைஞர்களின் ஒரு இவர் வந்தால் கலவரம் செய்யாமல் போவதில்லை அனுமதிக்க முடியாது என்று தடுத்திருக்கிறார்கள் அதை மீறி வாகனம் உள்ளே சென்ற போது கல்வீச்சு சம்பவம் நடைபெற்றிருக்கிறது, இதில் இரு தரப்பாரும் காயம்டைந்துள்ளனர். 

வேட்பாளரை உள்ளே விடாமல் தடுத்த்து யார் என்று விசாரித்த போது அந்தப் பகுதி இமாமும் மற்றவர்களும் எஸ் டி பி ஐ கட்சியின் ஒரு பிரிவினர் அவர்களுடைய தலைவர்களை மீறி இதில் ஈடுபட்ட்தாக கூறினர். கோவையிலிருக்கிற  எஸ் டி பி ஐ சார்ந்த நணபரிடம் விசாரித்த போது இப்படி வாக்களர் யாரையும் தடுக்க கூடாது என்று தமது இயக்கம் தொண்டர்களுக்கு உத்தரவிட்டிருப்பதாகவும் இதில் ஈடுபட்ட்து பழனி பாபா பெர்யரில் இயங்கும் ஒரு அமைப்பை சாரந்தவர்கள் என்றும் ஒரு தகவல் கிடைத்த்து. இன்னும் இதை தீர விசாரிக்க வேண்டும்.

எப்படியே கல்லெறிந்தவர்கள் எறிந்து விட்டு போயவிட்டார்கள் திங்கட்கிழமை லுஹர் தொழுக்க்குப்பின் பள்ளிவாசலை முற்றுகையிட்ட் போலீஸ் உள்ளிருந்து வருவோரை கைது செய்ய ஆயத்தமானது. இறுதியில் ஜமாத்தார்கள் பேச்சுவார்த்தை நட்த்திய பின தொழுகையாளிகள் வெளியேற சுமர் 50 வரை போலீஸ் கைது செய்திருப்பதாக தெரிகிறது.

இப்படி ஒரு சிறு பொறி போதாதா இந்துதுத்துவா சக்திகளுக்கு. முஸ்லிம்கள் கனிசமாகவும் வசதியாகவும் வாழ்கிற ஒவ்வொரு ஊரைய்ப் பற்றியும் அவர்களிடம் ஏர்கெனவே தயார் செய்து வைக்கப்பட்டிருக்கிற பீரீ பிளான்கள் இருக்கின்றன. எந்த ஒரு சிறு மோதலின் தொடர்ந்து அடந்தேறி முஸ்லிம்களின் பொருளாதாரத்தை நசுக்கிவிட வேண்டும் என்பது அத்திட்டங்களில் ஒரு முக்கிய அம்சம். அப்படி நசுக்க வேண்டுமானால் என்ன் செய்ய வேண்டும் என்பதை அவர்கள் சாவகாசமாக திட்டு மிட்டு வைத்திருக்கீறார்கள்.
அன்று மதியம் பா ஜ வினர் மறியல் ஆர்ப்பாட்ட்த்தில் ஈடுபட்டிருக்கிறார்கள். சில வாகன்ங்கள் எரிக்கப்பட்டிருக்கின்றன, ஒரு குடிசை எறிக்கப்பட்டிருக்கிறது.

இது ஏதே தெருவில் நடந்த தகராறு என்று நினைத்துக் கொண்டு உறங்கிய முஸ்லிம்களுக்கு இன்று காலை பொழுது புலர்ந்த்த போது இதயத்தைல் இடி விழுந்த்து..

கடற்கரையில் நிறுத்தி வைக்கப்பட்டிருந்த ஏழை மீனவர்களுடைய பல் போட்டுகள் கடலில் மூழ்கடிக்கப்பட்டிருந்தன. மொத்த சேத்த்தின் மதிப்பு இரண்டு கோடியை தாண்டும் என மீனவர் சங்க பிரமுகர் கூறினார் பல வாகன்ங்களுக்கு தீ வைக்கப்பட்டிருந்த்து. முஸ்லிம் ஒரு வருக்கு சொந்தமான டீசல் பங்குகில் பணியாற்றிய பணியாளரை தாக்கிய வெறிக்கும்பல் அவரிடமிருந்து சுமார் 2.5 இலட்சத்த்தை கொள்ளையடித்து சென்று விட்டனர்.

இன்று காலை 10 மணிக்கு  நான விசாரித்த போது பாதிப்பின் முழு விவரமும் தெரியவில்லை.

கருப்பு, தான் யார் ? எப்படி பட்ட சக்தி படைத்தவன் என்பதை காட்டி விட்டார்?  மல்லிப் பட்டினம் முஸ்லிம்கள் கையை பிசைந்து கொண்டு நிற்கிறார்கள்.

கல்வீசி வீட்டு ஓடியவர்கள் அடுத்து அப்பாவி மக்களுக்கு என்ன நேரும் என்று யோசித்தார்களா? மக்களை பாதுகாக்க திராணியற்றவரகள் ஒன்றுக்கு இருந்தால் மணல் கட்டியை கூட கையில் எடுக்க கூடாதல்லவா?

ஒரு வேட்பாளரின் முகத்தில் கரியை பூச, விரல் மையை விட வீரியம் வேறு எதற்கு இருக்கிறது ?

ஏற்பட்ட் நட்ட்த்திற்கும் இனி தொடரும் சிரமங்களுக்கும் ஏதாவது பயன் உண்டா?
தேர்தலுக்குமுன் எப்படியாவது கலவரங்களை உருவாக்கி விடும் இந்துத்துவாவின் தந்திரம் உ.பி யில் அரங்கேறி வெறியாட்டம் போட்டது. இப்போது அதை அறுவடை செய்ய அமித்ஷாவை அனுப்பி வைத்திருக்கிறது. தமிழ் நாட்டில் அத்தகைய ஒரு சூழ்நிலைக்கு நாள் பார்த்துக் கொண்டிருந்தார்கள் கோவை சேலம் உள்ளிட்ட பல இடங்களிலும் முய்றசி செய்தார்கள். மல்லிப்பட்டினம் மாட்டிக் கொண்ட்து.  

தமிழக முஸ்லிம் மஹல்லாக்களே! கவனமாக இருங்கள்.
நாய்கள் குறைக்கட்டும், பயம் இல்லை எனில் அமைதியாக இருங்கள். பிரச்சினைகள் தோன்ற வாய்ப்பு இருக்குமெனில காவல் துறை , தேர்தல் ஆனையத்தை முறையாக அனுகுங்கள். பொருளாதார அமைப்புக்களின் பாதுகாப்பை உத்தரவாதப் படுத்திக் கொள்ளுங்கள்.

அல்லாஹ் இந்த உம்மத்தையும் அதன் சாலிஹான புத்திரர்களையும் பத்திரமாக பாதுகாப்பானாக!


Tuesday, April 01, 2014

தேர்தல் களம் 1

தேர்தல் நெருங்க நெருங்க ஆலிம்களை தேடி தலைவர்கள் வர ஆரம்பித்து விட்டார்கள். (குறிப்பாக முஸ்லிம் வேட்பாளர்கள் போட்டியிடுகிற தொகுதிகளில்)

இதில் இடைத்தரகர்கள் சிலரும் இலாபம் பார்க்க நினைக்கின்றனர்.
ஆலிம்களால் தங்கள் பழகுகிற மக்கள் மட்டத்தில் திட்டமான கருத்தை உருவாக்க முடியும். முதலில் அதற்கு ஆலிம்களுக்கு என்று ஒரு சுய கருத்து வேண்டும்.

வரும் நாடாளுமன்ற தேர்தலில் ஒரு ஆலிமாக எனது கருத்துக்களை எனது பிளாக்கில்  பதிவு செய்கிறேன்.  இதில் நீங்களும் உடன்பட்டால் இதே கருத்தை பரப்பலாம்.

எச்சரிக்கை வெள்ளிமேடையை  குறிப்பிட்ட யாரையும் ஆதரிக்கவோ எதிர்க்கவோ பயன்படுத்த வேண்டாம்.

என்னுடைய கருத்தோடு உடன்படாவிட்டால் என்னுடைய கருத்தைச் சொல்ல எனக்குள்ள உரிமையை நீங்கள் மறுக்க கூடாது. என கருத்தை ஒத்துக்கொண்டால் தான் நீ முஸ்லிம் இல்லேன்னா நீ முஸ்லிமே அல்ல என்ற மாதிரி ச்ண்டைக்கெல்லாம் வரக்கூடாது.


இந்த தேர்தல் இந்திய முஸ்லிம்களின் வரலாற்றில் மிக முக்கியமானது என ஒரேயடியாக தூக்கி வைக்க என்னால் இயலவில்லை.

அதாவது மோடி பிரதமராகிவிட்டால் இந்தியாவில் முஸ்லிம்களின் எதிர்காலம் அழிந்து விடும் என்ற பயம் தேவையில்லை என்பது என் கருத்து.

அதே நேரத்தில் ஊடகங்கள் ஒட்டொடுமொத்தமாக திட்டமிட்டு மோடியை ஒரு சிறந்த வேட்பாளராக  உருவாக்கிவைத்திருக்கிற  பிம்பத்தை தூக்கி வீச  நம்மால் முயன்ற முயற்சிக்க வேண்டும் என்ற தீர்மாணத்தை இந்த இந்த நாடாளுமனறத் தேர்தலின் முதல் தீர்மாணமாக நான் கொள்கிறேன்.

குஜராத் இயல்பாகவே காங்கிரஸ் காலத்திலிருந்தே இந்திய மாநிலங்களில் சில துறைகளில் முன்னேறிய மாநிலமாக இருந்து வருகிறது.! அமுல் தயாரிப்புக்களின் பரவுதல் அதற்கு ஒரு உதாரணம்.

மோடியால் குஜராத் முன்னேறியது என்பது போன்ற ஒரு மாயத்தோற்றத்தை ஏறபடுத்தி அதுவே ஒரு பிரதமர் வேட்பாளருக்கான தகுதியாக முன் வைக்கப்படுவது ஏற்புடையதல்ல. மோடியின் அரசில் சிறு பான்மை இன மக்கள் அச்சத்தோடு வாழுமாறு நிர்பந்திக்கப்பட்டுள்ளார்கள் என்ற உண்மையை இன்றைய (1.4.2014) தமிழி ஹிந்து வின் கட்டுரை தெரிவிக்கிறது.

இது நூற்றுக்குநூறு உண்மை என்பதை நிரூபிக்கும் வகையில் மோடி இதுவரைக்குமான தனது தேர்தல் பிரச்சாரத்தில் சிறுபான்மை மக்களுக்கு ஆறுதலான அல்லது நம்பிக்கை ஊட்டுகிற எந்த விசயத்தையும் பேசவில்லை. மாறாக குரோதம் கொப்பளிக்கிற வார்த்தைகளையே பேசி வருகிறார். அஸாமில் அவர் பேசுகீற போது வங்க தேசத்திலிருந்து வருகிற இந்துக்களை வரவோற்போம் என்கிறார். ஆனால் முஸ்லிம்களை திருப்பி அனுப்புவோம் என்கிறார். அவர்கள் ஓட்டு வங்கிக்காக  அழைத்து வரப்பட்டுள்ளார்கள் என்கிறார்.  ஏன் சிறுபான்மை மக்களிடம் அவர் ஓட்டுக்கு கூட கேட்கவில்லை.

அப்பட்டமான அவருடைய மக்கள் விரோத இன் வாதப்போக்கு இந்தியாவை நாசம் செய்து விடும்.

தன்னுடைய ஆட்சியில் நடைபெற்ற வரலாறு காணாக அப்பாவி மக்களுக்கு எதிரான கொலை வெறித்தாக்குதல்களை தடுக்காமல் வேடிக்கை பார்த்தவர் அவர்.  அதற்காக அவரை நவீன் நீரோ என்று உச்சநீதிமனறம் கண்டித்துள்ளது.

இத்தகைய மரணவியாபாரி ( மவ்த்கி சவ்தாகர்)  மோடி பிரதமராவது இந்திய மக்களின் நல்லிணக்கத்திற்கும் மனித குலத்திற்கும் எதிரானது எனற வகையில் மோடி பிரதமராவதை தடுக்க வேண்டும் என்பது ஒரு சராசரி வாக்களான்ன் எனது கருத்து,

என்வே எந்த ஒரு தொகுதியிலும் சிறுபான்மை பிற்படுத்தப் பட்ட மக்களின் வாக்குசிதறிப்போய் இந்தியாவுக்கு ஆபத்தை விளைவிக்க கூடிய சக்திகள் வந்து விடாமல் பார்த்துக் கொள்ள வேண்டும்.

முஸ்லிம் என்ற அடிப்படையில் வேட்பாளர்களைப் பார்ப்பதில எனக்கு உடன்பாடில்லை. நாட்டு மக்களுக்கு நல்லது செய்வாரா என்ற அடிப்படையிலேயே ஒரு வேட்பாளரை பார்க்க வேண்டும் என்றகருத்துடையவன் நான். அப்படியெல்லாம்  ஒரு நன்மையும் செய்ய மாட்டாங்க என்ற நிலையில் இருவரில் யாரல் தீமை குறைவு என்று பார்த்து வாக்களிக்க வேண்டும். யாரிடம் ஒரு நீதியுள்ள பார்வையை எதிர்பார்க்கலாம் என்று ஆராய்ந்து பார்த்து முடிவெடுக்கலாம்.

இன்றைய நாட்ளுமனறத்திற்கான தேர்தல் சூழ்நிலையில் வேலூர் தொகுதியில் அப்துர்ரஹமான் சாஹிபுக்கு வாக்களிக்கலாம்.  நாடாளுமன்றத்தில் சிறப்பாக செயல்பட்டவர்களில் 7 வது நபராக அவரது பெயர் இடம் பெற்றுள்ளது,

இராமநாதபுரம் தொகுதியில் ஜலீலுக்கு வாக்களிக்கலாம். மோடிக்கு எதிரான கூட்டணி என்ற வகையில் அது அமையும்.
அதே போல தேனித்தொகுதியில் ஹாரூனுக்கு வாக்களிக்கலாம். அதுவும் மோடிக்கு எதிரான கூட்டணியில் பிரச்சினை குறைவானவர் என்ற வகையில் அமையும்

மயிலாடுதுறை முஸ்லிம்கள் குறிப்பாக ஆலிம்கள் கவனம் செலுத்த வேண்டிய ஒரு முக்கியத் தொகுதி. நமது அரசியல் பார்வையையும் அதில் தென்பட வேண்டிய தெளிவையும் காட்ட உதவக் கூடிய தொகுதி. அந்தப்  பகுதியில் பிரபலமானவரும் சிறந்த ஜனநாயகவாதியுமான மணிசங்கர் ஐயரை தயக்கமின்றி முஸ்லிம்களும் ஆலிம்களும் ஆதரிக்கலாம். என்னை கேட்டால் அவருக்கான ஆலிம்கள் பணி செய்ய வேண்டும் என்று கூறுவேன். அவரோடு ஒப்பிடுகையில் அவரை எதிர்த்து நிற்கிற வேட்பாளர்கள் அவரளவுக்கு இந்திய ஜனநாயத்திற்கும் நாடாளுமன்றத்திற்கும் தேவையானவர்கள் அல்ல. சிறுபான்மையினர் நலனிலும் அவரது அக்கறை உறுதியானது. சர்ச்சைகளுக்கு அப்பாறபட்டது.

மற்ற தொகுதிகளிலும் இதே அடிப்படையை கவனத்தில் கொள்ளலாம். ஏதேனும் ஒரு தொகுதியில் வேறு கட்சிகளின் வேட்பாளர்கள் நல்லவர்களாக இருக்கும் பட்சத்தில் இந்த தேர்தலில் நமது வாக்கு பிரிவதால தவறான தேர்வுகளுக்கு அது காரணமாகி விடக் கூடும் என்பதை கவனத்தில் கொண்டால் போதுமானாது,

இந்திய அரசியலில் பாரதீய ஜனதா என்ற தீய சக்திக்கு எதிரணியில் இருப்பவர்களை இப்படி வரிசைப்படுத்திக் கொள்ளலாம்.
·         கம்யூனிஸ்டுகள்
·         காங்கிரஸ்
·         திமுக கூட்டணி
·         அதிமுக கூட்டணி    

ஒவ்வொரு தொகுதியிலும் பல முனைப் போட்டி இருக்கிற சூழ்நிலையில் தீய சக்திகளை எதிர்க்கிற அணியில் வெற்றி பெற அதிகம் வாய்ப்புள்ளவருக்கு வாக்களித்து விடுவதே இந்த தேர்தலுக்கு சிறந்த்து,
நாட்டுக்கும் நல்லது என்று நான் நினைக்கிறேன். நீங்கள்?

Friday, January 31, 2014

மக்கா பள்ளி இமாம் tntj செல்லச் சண்டை

மக்கா பள்ளியின் இமாமின் வீடு புகுந்து அவரது நணபர்கள் சிலர் தாக்குதல் நடத்தியிருக்கின்றனர்.
அவரது மனைவி பேரக்குழந்தை தாக்கப்பட்டது கண்டிக்கத்தக்கதே!
ஆனால் தாக்கியவர்கள் அவரே சொல்வது போல அவரால மதிக்கப்படுகிற இயக்கத்தின் ஆட்களால் எனும் போது இது ஒரு செல்லச் சண்டையாகத்தான் நாம் எடுத்துக் கொள்ள வேண்டும்

சாணியடி அவருக்கு நியாயமான ஒரு பரிசுதான்! அவரே ஒரு  சாணியடிப் பார்டிதானே! 

பாவம்! பாவம் ஓரிடம் பழி ஓரிடம் சென்று சேர்ந்திருகிருக்கிறது .

அவரை ஆதரிக்கிற மதரஸா காஷிபுல் ஹுதா - மஜ்லிலே கதமே நுபுவ்வத் போன்ற அமைப்புக்கள் எச்சரிக்கை அடைய வேண்டும்.

Thursday, January 02, 2014

மீலாது அன்பின் அடையாளம்

சமீபத்தில் பேஸ்புக் வழியாக எனக்கு வந்த ஒரு கேள்வி இது !


எங்களது ஊரின் ஆற்றங்கறையோரப் பள்ளிவாசலில் ஒரு நோட்டீஸ் ஒட்டப்பட்டிருந்தது.
அதில் மீலாது விழாக்கள் வேண்டும் என்று அழுத்தமாக கூறப்பட்டிருந்தது.
தமிழகத்தில் மிலாது விழாக்கள் வேண்டும் என்று நோட்டீஸ் அடித்து குரல்கொடுக்கிற சில மூத்த ஆலிம்கள் மீலாது கூடாது பித் அத என்று சொல்கிற காஷிபுல் ஹுதா காரர்களோடு கூட்டணி அமைத்துக் கொண்டிருக்கிறார்களே இது சரியா?
இந்தப் பெருமக்களின் நீண்ட கால சேவையை தங்களது தேவைக்காக் அந்தக் குழப்பவாதிகள் பயன்படுத்திக் கொள்கிறார்கள் என்பது இவர்களுக்கு தெரியுமா ? தெரியாதா? .
மீலாதிற்கு எதிராக ஒரு பத்வா வெளியிட்டு தமிழகத்தில் குழப்பத்தை ஏற்படுத்தியவகளை ஒரு பேச்சிற்காகவாது எச்சரித்திருக்க்லாம். இது போன்ற கருத்துக்களை நாம் அனுமதிக்க முடியாது என பகிரங்கமாக கூறியிருக்கலாம்.
தமிழகத்தில்  ஒரு மதரஸாவின் பெயரில் இப்படி பத்வா வெளிவந்த பிறகு அந்த  மதரஸாவைச் சார்ந்தவர்களோடு கொஞ்சிக் குலாவுவது அவர்களை பொது மேடையில் பாராட்டுவது சுன்னத ஜமாத்தின் ஆலிம்களுக்கு தகுமா?  என்னைப் போன்ற அப்பாவிகளுக்கு குழப்பம் தான் தீர்வா?

பொதுவாக பேஸ்புக்கில் நான் சஞ்சரிப்பது குறைவு என்றாலும் இந்தக் கேள்விக்கு பதில் அளிக்காமல் தவிர்க்க என்னால் இயல்வில்லை.

நண்பரே! குழப்பம் தேவையில்லை. சில பல என அறிஞர்களை பொத்தம் பொதுவாக குறிப்பிடுவது நியாயமில்லை.!      மற்றவர்கள் செய்வது  போல நீங்களும் பாராட்டுவது போல குத்திக் காட்ட தேவையில்லை.

மீலாது அன்பின் அடையாளம். முஸ்லிம்க்ள் தமது தலைவரின் மீதான அன்பை வெளிப்படுத்தும் அனைத்து வழிகளிலும் வெளிப்படுத்த வேண்டும்.

முஸ்லிம் உம்மத்தின் பெரும் சிறப்புக்களில் ஒன்று தனது தலைவரின் மீது அலாதியான அன்பு கொண்டிருக்கிற போதும் அவர் விச்யத்தில் தடம்புரளாத சமுதாயம் இது. இன்று வரைகும் பெருமானார் விசயத்தில் உம்மத்தின் நடைமுறைகள் இதற்கு சாட்சி.

சில காமாலைக் காரர்களின் பார்வைக் கோளாருகளுக்காக நாம் பரிதாபப்படலாம். கோபபபடத் தேவையில்ல. மேதாவிகளாகவும் சீர்திருத்த வாதிகளாகவும் காட்டிக் கொள்ள முயலும் அவர்களிடமிருந்து அல்லாஹ் ஆலிம்களையும் சமுதாயத்தையும் பாதுகாப்பானாக!

Tuesday, December 24, 2013

பாக்கியாத் 150 ஆண்டு விழா


அல்லாஹ்வின் கிருபையால் டிஸம்பர் 21,22 ஆகிய தேதிகளில் பாக்கியாதுஸ்ஸாலிஹாத் அரபுக்கல்லூரியின் 150 ஆண்டு விழா வேலூர் கூனா பள்ளி வளாகத்தில் நடைபெற்றது.

சுமார் 9 ஆயிரம் பேர் திரளாக கலந்து கொண்டனர். முறையான அழைப்பும் போதிய விளம்பரமும் இல்லாமலே இவ்வளவு பேர் கலந்து கொண்டது பாக்கியாத்தின் பெருமைக்குச் சான்றாக அமைந்தது. பல ஊர்களிலிருந்து பிரமுகர்கள் சாதாரணமாக கலந்து கொண்டு பாக்கிகியாத்தின் விழாவைப் பார்த்துச் சென்றனர்.  ஒரு வரலாற்று வைபவபவத்தில் கால்பதிக்கும் உணர்வு அவர்களிடம் காணப்பட்டது

விழாவிற்கான ஏற்பாடுகள் வெகு சிறப்பாக செய்யப்பட்டிருந்தன. நிகழ்ச்சிகள் தான் போதிய அளவில் சோபிக்கவில்லை. மொழிவாரி நிகழ்ச்சிகளை தவிர பொது நிகழ்ச்சிகள் எதுவும் மன நிறைவை தரவில்லை.  நிகழ்ச்சித் தயாரிப்பாளர்களான பாக்கியாத்தின் தற்போதைய பேராசிரியர்களின் உள்குத்து அரசியல் நிகழ்ச்சி முழுவதிலும் பிரதிபலித்தது. பாக்கியாத்தின் சுயச்சார்பு மேலும் கேள்விக் குறியாகி இருந்தது. தமிழ்நாட்டைச் சேர்ந்த பாக்கியாத்தின் பேராசிரியர்கள் பாக்கியாத்திற்கு சேவையாற்றுவதை விட சென்னை காஷிபுல் ஹுதா மதரஸாவிற்க்கு அடிமைச் சேவகம் செய்வதை பெருமையாக கருதுவது அம்பட்டமாக வெளிப்பட்டது. பல்வேறு மாநிலங்களிலிர்ந்து நிகழ்ச்சியில் பங்கேற்ற பெரும் ஆலிம்ககள் கீழே பந்தலில் உட்கார்ந்திருந்த போது காஷில் ஹுதாவைச் சேர்ந்த ஆறு பேர் மேடையில் இருந்தனர்,

நிகழ்ச்சியின் சிறப்பு விருந்தினராக கலந்து கொண்ட மக்கா சவ்லத்திய்யா மதரஸாவின் முதல்வர் தன்னுடைய அருமையான துஆ வால் ஆலிம்களின் இதயத்தை ஈர்த்தார்.

ஈரோடு சித்தீக் அலி ஹஜ்ரத் தப்லீக்கை ஆதரித்து ஒருதரப்பாக பேசியது பாக்கியாத்தின் ஆசிரியர்கள் உட்பட ஆலிம்களை வெகுவாக அதிருப்தியடையச் செய்தது,  அந்தப் பேச்சின் உடே தப்லீக் அமைப்பு தவறானது என்று ஷைகு ஆதம் ஹஜ்ரத் பத்வா வழங்கினார்கள், அது மறுமலர்ச்சி பத்ரிகையில் இரு பக்க அளவில் பிரசுரமாகியது என்று சித்தீக் அலி ஹஜ்ரத கூறியது ஒரு வரலாற்றுப் பதிவாக அமைந்த்துவிட்டது. தப்லீக் அமைப்பை பலரும் ஆதரித்தார்கள் என்றாலும் பாக்கியாத்தின் முன்னாள் முதல்வரும் தென்னகம் கண்ட முபதியுல் அஃலம் மாபெரும் சட்ட அறிஞருமான சேக் ஆதம் ஹஜ்ரத் தப்லீகை ஏன் எதிர்த்தார் என்ற கேள்வியை அது எழுப்பத் தவறவில்லை. பாக்கியாத்திலிருந்து இப்படி ஒரு பத்வா வெளிவந்துள்ளதா என்று பக்கத்தில் அமர்ந்திருந்தவர்கள் பேசிக் கொண்டிருந்தது அதற்கு சாட்சியாக அமைந்தது,


தமிழ் நிகழ்ச்சியின் இறுதியில் ஓ எம் அப்துல் காதிர் ஹழ்ரத்தின் பேச்சு உருக்கமாக அமைந்தது. நிகழ்ச்சியில் பேசிய பாக்கவிகள் பலரும் கண்கலங்கினர். பாக்கியாத்தில் பயிலும் வாய்ப்பு தங்களுக்கு கிடைத்த பெரும் பேறு என்று பெருமிதம் அடைந்தனர். பெரும் பொருட்செலவில் நடைபெற்ற  இந்நிகழ்வு பாக்கவிகளுக்கும் சமுதாயத்திற்கும் என்ன செய்தியை சொன்னது என்ற கேள்வியைத் தவிர்த்து விட்டுப் பார்த்தால் ஒரே காலத்தில் பயின்ற நணபர்களை ஒருசேர சந்தித்த வாய்ப்பு பாக்கவிகளுக்கு ஒரு பொன்னான சந்தர்ப்பமே!  
 
   

  

 

Saturday, November 09, 2013

ஒரு முஹர்ரம் அனுபவம்

15 வருடங்களுக்கு முன் ஒரு ஆஷூரா நாளன்று மாலை ஒரு வீட்டிற்கு துஆ வுக்கு அழைக்கப்பட்டேன்.

அந்த வீட்டில் டைனிங் டேபிளில் பேப்பர் விரித்து அதில் முழுக்க மணலை பரப்பி அதன் நடுவில் மூன்று செம்புக்களில் பூமாலை சுற்றி பால் தண்ணீர் ஜூஸ் மூன்றும் வைத்திருந்தார்கள். மணலில் சந்தணம் தெளிக்கப்பட்டிருந்தது.

எனக்கு ஒன்றும் புரிய்வில்லை. நெடுநேரம் கழித்த பிறகு தான் கர்பலா களத்தை அவர்கள் "செட்" செய்திருப்பது புரிந்தது.

ஆசூரா நாட்களில் கர்பலாவைப் பற்றி இமாம்கள் பேசுவதே மக்கள் இவ்வாறு நடந்து கொள்வதற்கான காரணம் என்று புரிய வந்தது. அதன் பிறகு ஆசூரா வின் சிறப்பிற்கும் கர்பலாவிற்கும் சம்பந்தமில்லை  என்பதை வலியுறுத்த்த ஆரம்பத்தேன். மக்களில் பலரும் தாங்கள் இத்தனை காலமாக ஆஷீரா என்றால் ஹுசைனாரின் நாள் என்று  கருதிக் கொண்டிருந்த்ததாக தெரிவித்தனர்.

ஆஷூரா அன்று  மேற்சொன்ன அனுபவம் கிடைத்தற்கு அடுத்த வாரமே மஹல்லா மக்களை குடும்பத்தோடு அழைத்து இனிமேல் எதை செய்வதாக இருந்தாலும் தீனின் கருத்தை அறிந்து செய்யுங்கள் என்று அறிவுறுத்தினேன். அல்லாஹ்வின் கிருபையால் நல்ல மாற்றம் ஏற்பட்டது. அதன் பிறகு எந்த ஒரு விசயத்திற்கும் இமாமின் கருத்தை அறிந்து செயல்படுகிற பழக்கம் மக்களிடம் ஏற்பட்டது.

கர்பலா இஸ்லாமிய வரலாற்றில் நடந்த மிகுந்த துன்பமான ஒரு அரசியல் நிகழ்வு என்றாலும் அதைப் பற்றி அதிகமாக பேசுவது வழி தவறிய ஷியாக்களின் நடைமுறைகளுக்கு வலுவேற்றுவதாக அமைந்து விடும் என்று நான் கருதுகிறேன். 

Friday, June 01, 2012

அஜ்மீர் அரசியல்


ஏபரல் 8 ம் தேதி பாகிஸ்தான் அதிபர் ஆசிப் அலி சர்தாரி ஒரு நாள் சொந்தமுறைப் பயணமாக இந்தியா வந்தார். சுல்தானுல் ஹிந்த் என்றும் கரீப் நவாஸ் என்றும் புகழப்படுகிற அஜ்மீர் காஜா முஈனுத்தீன் சிஸ்தி வலியுல்லாஹ் தர்ஹாவிற்கு ஜியாரத் செய்ய வந்த அவரை  மதிய விருந்துக்கு வருமாறு பிரதமர் மன்மோகன் சிங் அழைத்தார். தில்லி விமான நிலையத்திலிருந்து நேரடியாக நெ 7 ரேஸ்கோர்ஸ் இல்லத்திற்கு சென்று மதிய உணவை முடித்துக் கொண்ட சர்தாரி, பிரதமர் மன்மோகனுடன் தனிமையில் நேருக்கு நேர் 45 நிமிடங்கள் உரையாடினார்

மும்பை தீவிரவாதத் தாக்குதலுக்கு காரணமானவர் என்று இந்தியா குற்றம் சாட்டுகிற ஜமாத்து தாவா அமைப்பின் தலைவர் ஹாபிழ் முஹம்ம்து சஈதை கைது செய்ய போதுமான ஆதாரம் எதுவும் இல்லை என்று பாகிஸ்தானின் உச்சசநீதிமன்றம் கூறிவிட்ட நிலையில், உலகின் நியாயவான்(?) அமெரிக்கா ஏப்ரல் 2012 ல் அவரது தலைக்கு 10 மில்லியன் டாலர் பரிசு அறிவித்தது. அதன் எதிர் நடவடிக்கையாக பாகிஸ்தானை பூர்வீமாக கொண்டு இங்கிலாந்தின் ரோதர்ஹாமில் Rotherham  வசிக்கிற பெரும் பணக்கார்ர் லார்டு பீர் அஹ்மது, அதிபர் ஒபாமாவின் பிடித்து தருபவருக்கு அதைவிட அதிகமாக தான் பரிசு தரப்போவதாக அறிவித்தார். இந்தப் பிரச்சினையில் அரசியலின் சூடு உச்சநிலைக்கு சென்று கொண்டிருந்த நிலையில் உலகின் மிக உயரமான இராணுவ முகாம் அமைந்திருக்கிற சியாசின் பகுதியில் பனிப் புயலில் சிக்கி 160 க்கு மேற்பட்ட பாகிஸ்தானிய வீர்ர்கள் பலியாகி இருந்தனர். இத்தனை களோபரங்களும் நடந்து கொண்டிருந்த ஏப்ரல் மாத்த்தின் முதல் பகுதியில் எல்லாப் பிரச்சினைகளையும் ஒரங்கட்டச் செய்கிற வகையில் பாகிஸ்தானிய அதிபர் இந்தியாவுக்கு வந்தார்.

தீடீரென்று நிகழ்ந்த இந்த வருகையும் சந்திப்பும், கோடை வெயிலின் உக்கிரத்திற்கு நடுவே அரசியல் அரங்கில் வீசிய விரும்பத்தகுந்த ஒரு தென்றலாக உருவகப் படுத்தப் பட்டது.

நம்மை பிரிக்கிற தடைக் கற்களை விட நம்மை இணைக்கிற படிக்கறகளே அதிகம் எனும் சொல் இந்தியா பாகிஸ்தான் இரு நாடுகளுக்கும் நூறு சதவீதம் பொருந்தும்..   கிட்ட்தட்ட ஒரே மாதிரியான வாழ்க்கை அம்சங்களை கொண்ட இரண்டு நாடுகள் வலிந்து உருவாக்கியும் பெருக்கியும் கொண்ட பகை உணர்ச்சிகளால் தமது சக்தியை இழந்து வளர்ச்சியில் பெரிதும் சரிவு கண்டுவருகின்றன. இதில் உயிரிழப்புக்களும் மனித மரியாதைக்கு எதிரான வன் கொடுமைகளும் கணக்கின்றி எல்லைப் பகுதியை இரத்த மயப்படுத்தி வருகின்றன. இந்தியா தனக்கு கீழே ஒரு எதிரி இருந்தாக வேண்டும் என்று திட்டமிட்டோ என்னவோ எந்த வகையிலும் பாகிஸ்தானோடு சமாதானம் அடைந்து விடாமல் இஸ்லாமிய தீவிரவாதச் சூட்டை அடைகாத்து வருகிறது. பாகிஸ்தானிலும் ஊழல் அரசியல் வாதிகள் இந்தியாவையும் காஷ்மீரையும் காரணம் காட்டியே தங்களது நாட்களை கட்த்திச் சென்று கொண்டிருக்கிறார்கள்.

இத்தகைய சூழ்நிலையில் பாகிஸ்தானின்  அரசியல் தலைவர்கள் திடீர் திடீரென நெகிழ்வான ஒரு காரணத்தை துணையாக கொண்டு இந்திய விஜயம் செய்வதும் அப்படி வருகிறவர்களுக்கு இந்தியாவில் சகோதர பாசம் மிக்க விருந்துபசாரம் நடைபெறுவதும் இரண்டு நாடுகளின் அரசியல் அரங்குகளிலும் ஒரு மின்னல் கீற்றாய  அவ்வப்போது நம்பிக்கை வெளிச்சத்தை ஏற்படுத்துவதுண்டு. சர்தாரியின் இந்தப் பயணத்தின் போதும் அத்தகைய ஒரு மலர்ச்சி தெரிந்தது.

சர்தாரியின் இரண்டாவது வருகை இது. இதற்கு முன் ஒரு தடவை 2005 ல் அவரது  மனைவியும் படுகொலை செய்யப் பட்ட முன்னாள் பிரதம்ருமான பேனசீர் புட்டோவுடன் இதே போன்றதொரு பயணத்தை அவர் மேற்கொண்டிருந்தார்.

சர்தாரி பக்தி உணர்வு மிக்கவர் என்று அடையாளம் காணப்பட்டவர் அல்ல. அவருடைய தவறுகளையும் பாவங்களையும்  உற்று நோக்க இந்தப் பயணம் பயன்பட்டால் சரிதான் என்று பாகிஸ்தானிய பத்ரிகையாளர்கள் நையாண்டி செய்கிறார்கள். சுவிஸ் வங்கியில் அவர் குவித்து வைத்திருக்கிற முறையற்ற பணத்திற்காகவும் பாகிஸ்தானின் வரலாற்றிலேயே ஊழல் மிகுந்த ஒரு அரசிற்கு தலைமேற்றிருக்கிற பாவத்திற்காகவும் பரிகாரம் தேடி அவர் காஜா முஈனுத்தீன் ஜிஸ்தியிடம் சென்றிருந்தால் அவருக்கு அங்கு பச்சை விளக்கு கிடைக்காது என்று பாகிஸ்தானிய அரசியல் விமர்சகர்கள் கடுகடுக்கிறார்கள்.

சர்தாரியின் இந்த் வருகைக்கு காரணம் பற்றி பல்வேறு கருத்துக்கள் கூறப்படுகிறது. தனது பிரச்சினைகளிலிருந்து விடுபட்டால அஜ்மீருக்கு வருவதாக அவர் உறுதியேற்றிருந்தார். அதனால வந்து சென்றார் என்று சாமானிய அளவிலும், இல்லை பாகிஸ்தானில் தற்போது நிலவி வரும் அரசியல் சூழ்நிலையில் சர்தாரி பரிதாபகரமான ஒரு அதிபராக இருக்கிறார். அ வர் ஆட்சிப் பொறுப்பிற்கு வந்து நான்கு ஆண்டுகள் கழிந்து விட்டன. இன்னும் ஒரு வருட்த்தில் பொதுத்தேர்தலை சந்திக்க வேண்டும். மட்டுமல்லாது பாகிஸ்தானின் அனைத்து உட்கட்டமைப்புகளுக்கு சமீபத்தில் தேர்தல் நடக்க் இருக்கிற சூழ்நிலையில் தன்னுடைய இமேஜை எப்படியாவது காப்பாற்றிக் கொள்ள வேண்டிய நிர்பந்த்த்திற்கு அவர் ஆளாகியிருக்கிறார். இப்போதைய அவரது புனிதப் பயண் திட்டமும் அந்த இமேஜிற்காக ன போராட்ட்ட்த்தில் ஒரு அம்சமே என  அரசியல் பார்வையாளர்கள் மட்ட்த்திலும் கருத்துக்கள் பேசப் படுகின்றன.

அஜ்மீருக்கான அவரது பயணத்தில் அரசியல் இலாப நோக்கு மறைந்திருக்கிறது என்று ஒருபுறம் பேசப்பட்ட்து என்றால அவரது அஜ்மீர் வருக்கைக்கு சிவப்பு கம்பளம் விரிக்காத குறையாக இந்தியா கொடுத்த வரவேற்பும் அரசியல் இலாபத்தை நோக்கமாக கொண்ட்தாகவே கருதப்படுகிறது. இந்தியாவில் மிக அதிகம் தேடப்படுவோர் என இந்தியா வெளியிட்ட  50  பேர் கொண்ட பட்டியலில் பிரதானமாக இடம் பெற்றுள்ள ஹாபிழ் சயீதை பாகிஸ்தானிய நீதிமன்றம் விடுவித்திருக்கிற சூழ்நிலையில் இந்தியாவின் இந்த வரவேற்பு பலரது புருவத்தையும் உயரச் செய்தது. அதற்கும் ஒரு காரணம் இருந்தது.   
சமீபத்தில் பாகிஸ்தான் இந்தியாவுக்கு நட்பு நாடு MFN status (Most Favoured Nation) என்ற அந்தஸ்த்தை வழங்கியுள்ளது. இது இருநாட்டு வர்த்தகர்களுக்கும் பயனுள்ளதாக அமையும் என்றாலும் இந்தியாவிற்கு இதில் கூடுதல் நன்மை என்னவென்றால் காஷ்மீர் விவாத்த்திற்கு தீர்வுகாணும் வரை இந்த தகுதியை வழங்கப் போவதில்லை என்று சொல்லிக் கொண்டிருந்த பாகிஸ்தான் அந்த நிலையிலிருந்து இறங்கி வந்திருப்பதாகும்.

எப்படியே முறுக்கிக் கொண்டு நிற்கிற இரு நாடுகளும் முறுவலித்துக் கொண்டன. ஒரு ஆங்கிலப் பத்ரிகை சர்தாரி அஜ்மீரில் என்னவெல்லாம் பிரார்த்தனை செய்திருப்பார் என்பதை கற்பனையாக எழுதிவிட்டு இறுதியாக, காஜா முஈனுத்தீன் ஜிஸ்தி அவர்களோ இரு நாட்டின் மக்களுக்கும் உண்மையாக நல்லது ஏதாவது நடக்கட்டும்  என்று ஆசீர்வதித்தார். என எழுதியிருந்த்து.

அஜ்மீர் காஜா முஈனுத்தீன் ஜிஸ்தி அவர்களின் அடக்கவிட்த்தை மையமாக கொண்டு நடை பெற்ற இந்த அரசியல் நிகழுவுகளில் - ஒரு வேளை அது நாடகமாகவே தெரிந்தாலும் கூட - இந்திய முஸ்லிம்கள் குறிப்பாக தமிழக முஸ்லிம்கள் கவனிக்கத் தக்க சில செய்திகள் கிடைக்கின்றன. 
.
முஸ்லிம் சமூகத்தில் பொதுவாக தர்ஹாக்களை பற்றிய ஒரு அதிருப்தி உண்டு பண்ணப் பட்டிருக்கிறது. இதில் ஆச்சரியம் என்னவென்றால்?  இஸ்லாமிய தஃவா எனும் பிரச்சாரக் களத்தில் பங்காற்றுவதாக கூறிக் கொள்பவர்களே இந்த அதிருப்தியை வளர்ப்பதில் முக்கிய பங்கு வகிக்கிறார்கள். 

தர்ஹாக்கள் இஸ்லாமிய இறையியல் கோட்பாட்டில் இடையூறு செய்கின்றன என்று தன்னிச்சையாக குற்றம் சாட்டுகிற அவர்கள் இஸ்லாமிய பிரச்சாரப் பயணத்தில் தர்ஹாக்களில் அடக்கம் பெற்றுள்ள நல்லவர்கள் ஆற்றிய மகத்தான பணிகளின் கனத்தை எண்ணிப் பார்க்க அறவே தவறிவிடுகிறார்கள். அல்லது எண்ணிப்பார்க்க மறுக்கிறார்கள். தம்மை மட்டுமே தஃவாவின் காவலாளிகளாக கருதிக் கொளகிற மடத்தனம் இதற்கு காரணமாக இருக்கலாம்.

சர்தாரியின் அஜ்மீர் பயணம் அஜ்மீர் காஜாமுஈனுத்தின் சிஸ்தியை கடவுளாக அல்லது ஏதோ ஒருவகையில் கடவுளின் பிரதிபிம்பமாக கருதிய காரணத்தால் நிகழ்ந்த ஒரு பயணம் அல்ல.

அஜ்மீர் தர்காவின் அலுல்வலகத்தின் விருந்தினர் புத்தகத்தில் பாகிஸ்தான் இஸ்லாமியக் குடியரசின் தலைவர் ஆசிப் அலி சர்தாரி என்று கையெழுத்திட்டு, சர்தாரி என்ன எழுதினார் என்பதை ஆசிய டைம்ஸ் நாளிதழ் குறிப்பிடுகிறது.
"Is mukkadas mukaam par aakar mujhe jo roohani khushi mili hai, woh nakaabile bayaan hai. Allah taala se dua hai ke tamaam insaniyat ke liye asaaniya paida kare
இந்தப் புனித தளத்திற்கு வந்தததால் எனக்கு ஆதமார்த்தமான மகிழ்ச்சி கிடைத்தது. அதை விவரிக்க இயலாது. அனைத்து மனித சமூகத்தின் சிரமங்களை இலேக்கட்டும் என்பதே உயர்ந்தவன் அல்லாஹ்விடம் நான் வைக்கும் பிரார்த்தனை.

தர்ஹாக்கள் அல்லாஹ்வை மறக்கடிப்பவை அல்லது துறக்கச் செய்பவை என்ற துர்ப்பிரச்சாரத்தின் கிளிப்பிள்ளைகள் இந்த வார்த்தைகளில் கொஞ்சம் கவனம் செலுத்தட்டும்

முஸ்லிம் சமுதாயம் தெளிவாகவே இருக்கிறது. தம்மை மட்டுமே தூய்மையானவர்களாக - அறிவாளிகளாக காட்டிக் கொள்ள முயல்கிற சிலசுய நல சக்திகள் மட்டுமே அது களங்கிக்கிடப்பதாக புரளி கிளப்புகிறார்கள்.

தர்ஹாக்களில் நடை பெறுகிற மார்க்கத்திற்கு முரணான செயல்கள் கண்டிப்பிற்குரியதாக இருக்கலாம். சொந்த தேவைகளுக்கு பணம் சம்பாதிப்பதற்காக தர்ஹாக்களைப் பயன்படுத்துகிறவர்கள் கணடனத்திற்குரியவர்களாக இருக்கலாம் ஆனால், தர்ஹாக்களில் அடக்கமாகி இருப்ப்பவர்கள் நம் கவனத்திற்குரியவர்கள். ஒவ்வொரு ஊரிலும் அவர்களது ஈமானிய வாழ்வும் இஸ்லாமிய பற்றும் போதனைகளும் சமுதாயத்திற்கு அவசியமானவை.

தர்ஹாக்களில் அடக்கம் பெற்றுள்ளவர்கள் வாழ்ந்த போதும் சமுதாயத்திற்கு பயனுள்ளவர்களாக இருந்தார்கள் மறைந்த பிறகும் பயன் தருபவர்களாக இருக்கிறார்கள். இந்தப் பலனை சரியாகப் பயன்படுத்திக் கொள்ள வேண்டியது  புத்திசாலி சமூகத்தின் கடமையாகும்.

தர்ஹாக்களின் மேலுள்ள கோபத்தில் அங்கு அடக்கமாகியுள்ள பெரியோர்களின் மார்க்கச் சாதனைகளையும் இறை பக்தியையும் கூட கவனிக்க மறுப்பது நியாயமல்ல.

இறை நேசர்கள் அல்லாஹ்வின் போர்வைக்குள் இருக்கிறார்கள், அவர்களை அல்லாஹ்வே அறிவான் என இஸ்லாமிய அறிஞர்கள் சொல்வதுண்டு. இறைநேசர்களின் மார்க்கப் பணியும் சமுதாயச் சேவையுமே பல சந்தர்ப் பங்களில் அவர்களில் சிலரை மக்களுக்கு அடையாளம் காட்டியுள்ளது.

ஏர்வாடி இபுறாகீம் ஷஹீத் வலியாகட்டும் , நாகூர் ஷாஹுல் ஹமீது நாயகமாட்டும் தங்களது சமுதாய்ப் பணிகளின் காரணமாகவே மக்களால் அடையாளம் காணப்பட்டார்கள். அஜ்மீரில் அடக்கமாகியுள்ள காஜா முஈனுத்தின் சிஸ்தி (ரஹ்) அவர்களும் அன்னாரது  மார்க்க சமுதாயப் பணிகள் காரணமாகவே இந்த மரியாதையை ப் பெற்றார்கள்.

சமயத்தின் வளர்ச்சியில் மிகப் பிரம்மாண்ட சாதனைகளை படைத்த அந்த நல்லவர்களின் வழிகாட்டுதல்களையும், மாக்கப் பிரச்சாரத்திற்கு அவர்கள் கையாண்ட உத்திகளையும் கவனத்தில் எடுத்துக் கொள்ள இன்றுள்ள முஸ்லிம் சமுதாயம் மறுக்கும் அல்லது மருகும் எனில் இன்று முஸ்லிம் சமூகத்தின் முன் எழுந்துள்ள மிகப் பெரும் சவால்களை சமாளிப்பது சிக்கல் மிக்கதாக மாறிவிடும்.   

தஃவா எனும் பெயரில் ஆர்ப்பாட்டமாக அலட்டலாகவும் வீடீயோ வெளிச்சத்தில் மேதாவித்தனம் காட்டுவோர் கவனித்துக் கொள்ளட்டும். சர்தாரி விஜயம் செய்த காஜா முஈனுத்தீன் ஜிஸ்தி (ரஹ்) அவர்கள் மூலம் ஆயிரம் ஆண்டுகளுக்கு முன்னர் சுமார் 90 இலட்சம் பேர் இந்தியாவில் இஸ்லாமை தழுவியுள்ளதாக வரலாற்றாசிரியர் ஆர்னால்டு கூறுகிறார்.  வட இந்தியாவில் இஸ்லாம் என்பது ஜிஸ்தி அவர்களின் சேவைக்கு கிடைத்த கொடை என வரலாறு கூறுகிறது.

இஸ்லாமிய வரலாற்றில் இத்தனை அதிகமான அளவில் ஸ்லாத்தைப் பரப்பிய ஒரு பெரியாரை காண்பது அரிதுஎன இஸ்லாமிய கலைக் களஞ்சியம்கூறுகிறது.

இஸ்லாம் என்பது சேவா மார்க்கம் என இந்திய சமூகத்தில் முதனமையாக நிலைப் படுத்திக் காட்டி பெருமை முஹ்யீத்தீன் ஜிஸ்தியை சாரும். கரீப நவாஸ் ஏழைகளின் பங்காளர் என்று அவருக்கு கிடைத்த புகழ்ப் பெயர் அந்த அவரது வாழ்வின் தத்துவத்தையே புலப்படுத்துகிறது.

இன்றைக்கு சற்றோறக்குறைய ஆயிரம் ஆண்டுகளுக்கு முன் ஹிஜ்ரி 430 ரஜப் 14 வெள்ளிக்கிழமை அன்று அன்றைய தெற்கு ஆப்கானிஸ்தானில் ஒரு பகுதியாகவும் இன்றைய தெற்கு ஈரானின் ஒரு பகுதியாகவும் இருக்கிற் சீஸ்தான் என்ற ஊரில் சையத் கியாசுத்தீன் அஹ்மது என்பவரின் மகனாக முஈனுத்தீன் பிறந்தார். நபிகள் நாயகத்தின் பேரர்  ஹுசைன் (ரலி ) அவர்களது பாரம்பரியம் அவர்களுடையது.

தாயை சிறுவயதிலேயே இழந்து விட்ட அவர், 9 வயதில்  திருக்குர் ஆனை முழுவதுமாக மன்னம் செய்திருந்தார். 15 வயதில் தந்தையை இழந்தார். அப்போது தந்தை வழிச் சொத்தாக காற்றாடி மூலம் நீர் இறைக்கும் இயந்திரத்தை கொண்ட ஒரு தோட்டம் அவருக்கு கிடைத்த்து.  

அந்த தோட்டத்திற்கு ஒரு முறை இபுறாகீம் தந்தூஸி என்ற பெரியவ்ர்  வந்தார். அவரது வருகை இளைஞர் மூஈனுத்தீனின் வாழ்க்கையில் மாற்றத்தை ஏற்படுத்தியது. வாழ்க்கைகு ஆதாரமாக இருந்த தோட்ட்த்தை விற்று ஏழைகளுக்கு கொடுத்து விட்டு கல்வியை தேடி அன்றை இஸ்லாமிய கல்வியின் மையங்களாக திகழ்ந்த புகாரா சமர்கண்த் ஆகிய நகரங்களுக்குச் சென்றார். அங்குள்ள மேதைகளிடம் கல்வியும் ஆன்மீகத்தையும் கற்றார்.
                       
ஹிஜ்ரி 560 ல் சூபி ஞானி காஜா உஸ்மான் ஹாரூனியை சந்தித்த அவர் ஜிஸ்திய்யா எனும் ஆன்மீக நடைமுறையில் தன்னை இணைத்துக் கொண்டார். அவருடன் 20 ஆண்டுகள் இருந்தார்.

பக்தாதில் அக்கால கட்டத்தின் மிகச் சிறந்த சீர்திருத்தவாதியாகவும் இஸ்லாமிய அழைப்பாளராகவும் இருந்த முஹ்யித்தீன் அப்துல் காதிர் ஜீலானியையும் ஷஹாபுத்தீன் சுஹ்ரவர்தீ அவர்களையும் சந்தித்தார். இவற்றின் மூலம் இஸ்லாமிய அழைப்புப் பணி சமுதாயச் சேவை பற்றிய அக்கறை அவருக்குள் மிகைத்தன.

கடைசியாக ஹஜ்ஜுக்காக மக்காவிற்கு சென்ற பிறகு நபிகள் நாயகத்த்தின் அடக்கவிட்த்தை தரிசிக்க மதீனாவுக்கு வந்தார். அங்கு அவரது கனவில் தோன்றிய நபிகள் நாயகம் (ஸல்) அவர்கள் இந்தியாவுக்கு சென்று சேவை செய்யுமாறு கூறீனார்கள்.

தனக்கான களம் சுட்டிக்காட்டப்பட்டவுடன் அங்கிருந்து பயணப்பட்ட ஜிஸ்தி (ரஹ்) லாஹூர், முல்தான் ஆகிய நகரங்களில் சிறிது காலம் தங்கியிருந்து விட்டு தில்லி வழியாக அஜ்மீர் வந்து சேர்ந்தார். அஜ்மீரை தனது சேவைகளுக்குரிய தளமாக அமைத்துக் கொண்ட அவர் பேதம் பாராது அனைத்து தரப்பு மக்களுக்காகவும் சேவையாற்றினார். அதனால் மக்களின் அன்பை பெற்றார்.

அன்றைய இராஜஸ்தானில் கோலச்சோச்சிக் கொண்டிருந்த சதி  எனும் உடன்கட்டை பழக்கத்தை எதிர்த்தர்ர். இதை அறிந்த இராஜஸ்தானின் இளவரசி தனது கணவர் இறந்தவுடன் உடன் கட்டை ஏற சமத்திக்காமல் காஜா முஈனுத்தீன் சிஸ்தியிடம் அடைக்கலம் தேடினாள். சிஸ்தி அந்தப் பெண்ணுக்கு அடைக்கலம் கொடுத்த்தோடு அவரையே திருமணம் செய்து கொண்டார். இதனால் அப்போதையை அரசன் பிருத்விராஜ் சௌகான் முஈனுத்தீன் ஜிஸ்திய நாட்டை விட்டு வெளியேறுமாறு உத்தரவிட்டான். அவானது உத்தரவை கண்டு அச்சப்படாத சிஸ்தி ஒரு முஸ்லிம் மன்னரிடம் அவன் பிடிபடுவான என்று கூறினார். சிறிது காலத்திற்குள்ளாக பாரசீகத்திலிருந்து படை எடுத்து வந்த ஷஹாபுத்தீன் கோரி இராஜஸ்தானை கைப்பற்றி தில்லையில் அரியணை ஏறினார்.

அஜ்மீரில் சேவையாற்றுகிற காஜா முஈனுத்தீன் ஜிஸ்தியை மரியாதை நிமித்தம் சந்திப்பதற்காக கோரி அஜ்மீருக்கு வந்தார்.

அதிலிருந்து தில்லியை ஆளூபவர்கள் அஜ்மீருக்கு வருவது வாடிக்கையான ஒரு தொடராகவிட்ட்து. கோரிக்குப் பிறகு குத்புதீன் ஐபக்கும் அவருக்கு பிறகு இல்துமிஷும் ஆட்சிக்கு வந்த்து ம காஜா முஈனுத்தீன் சிஸ்தியை மரியாதை நிமித்தம் சந்தித்து சென்றார்கள்.

ஆட்சியாளர்கள் பார்வையாளர்களாக வந்து சென்ற போதும் காஜா முஈனுத்தீன் சிஸ்தி அஜ்மீரின் ஏழை மக்களுடனேய்யே வாழ்ந்தார். அவர்களுக்கு தேவையான உதவிகளைச் செய்தார்.

இல்துமிஷின் காலத்தில் தில்லியிலிருந்து வந்த ஒரு ஏழை தனது நிலம் அபகரிக்கப் பட்ட்தாக முறையிட்டார். அந்த ஏழையுடன் அப்படியே புறப்பட்ட சிஸ்தி தில்லியை அடைந்தார். பிரமுகர்கள்  பலரும் சிஸ்தியிடம் பணிந்து நின்றனர். யாரிடமாவது சொல்லி அனுப்பியிருந்தால் போதுமே இந்தக் காரியத்தை நாங்கள் கவனித்திருப்போமே என்று கூறினார். சிஸ்தி சொன்னார்; இதற்கான நன்மையை விட்டு விட நான தயாராக இல்லை. அதன காரணமாகவே நான் வந்தேன் என்றார்.

காஜா முஈனுத்தீன் சிஸ்தி அவர்களின் ஆன்மீகப் பணி என்பது கித்மதுல் கல்க் மக்கள் சேவையை அடிப்ப்டையாக கொண்ட்தாக-  குறிப்பாக அடித்தட்டு மக்களின் தேவைகளை முறையீடுகளை தீர்க்க முயற்சிப்பதும் அவர்களை நல் வழிப்படுத்துவதுமாக இருந்த்து.

நதியைப் போன்ற தயாள குணத்தோடும் சூரியனைப் போன்ற கருணையோடும் பூமியைப் போல விருந்தளிக்கும் இயல்போடும் வாழுமாறு அவர் தனது தொண்டர்களுக்கு அறிவுறுத்தினார்.

பிறரின் கவலையை அகற்றுவதும் அதை தாம் சுமந்துகொள்வதுமே  தன்னைப் பொருத்தவரை அற்புதமான பணி என்று அவர் கூறினார், ஏழைகளுக்கு உணவளிப்பதற்கும், எளியவர்களுக்கு உதவுவதற்கும் அவர் அதிக முக்கியத்துவம் அளித்தார்.
  
அன்றைய இந்திய மண்ணில் வேறோடியிருந்த சாதீய ஜமீந்தாரி கோட்பாட்டிற்கு எதிராக  சிஸ்தி  அவர்கள் பயன்படுத்திய இஸ்லாமின் த்த்துவங்களாலும் சேவைகளாலும் கவரப்பட்ட மக்கள் இந்தப் பெரியாரின் மார்க்கம் எவ்வளவு சிறப்பானதாக இருக்கிறதென வியந்து இஸ்லாமை தழுவினர். இஸ்லாமை தழுவாதவர்களும் அவரை மதிக்க தவறவில்லை. அதனால அவர் இறந்த பிறகும் அவரை தேடி வருகிறவர்களின் எண்ணிக்கை குறைய வில்லை.

பிந்தைய நாட்களில் தில்லியில் அரியணை ஏறிய அரசர்களும் அனைவரும் அஜ்மீருக்கு ஜி ஃயாரத் சென்று வருவதை வாடிக்கையாக கொண்டிருந்தனர். முகலாய சக்ரவர்த்தி அக்பர்  பல முறை அஜ்மீருக்கு வந்து சென்றுள்ளார். அவரது மகன் ஜஹாங்கீர் இங்கு வந்தால் காலில் செருப்பு அணியாமல் பக்கீர் போல நடந்து செல்வார் என குறிப்புகள் தெரிவிக்கின்றன. ஷாஜஹானும் ஒளரங்கசீப்பும் ஜியாரத்திற்காக இங்கு பல முறை வந்து சென்றுள்ளனர்.

மரியாதை நிமித்தமாக அஜ்மீருக்கு வந்த ஆட்சியாளர்கள் அந்த மகத்தான மனிதரது வாழ்விலும் போக்கிலும் அவர் நிகழ்த்திய சாதனையிலும் சிறிதளவாவது அக்கறை செலுத்தியிருந்தால் இந்தியாவில் இன்று இஸ்லாம் மிக மரியாதையான ஒரு இட்த்தை பிடித்திருக்க முடியும்.  அரசர்களுக்கு ஆட்சியைப் பற்றிய கவலை இருந்த்தே தவிர மக்களின் நல்வழியைப் பற்றிய அக்கறை இருக்கவில்லை.

சர்தாரி  அஜ்மீர் தர்ஹாவிற்கு 5 கோடி தருவதாக கூறியிருக்கிறார். தன்னுடை ஒரே சொத்தாக இருந்த தோட்ட்த்தை விற்று ஏழைகளுக்கு தர்ம்ம் செய்த காஜா முஈனுத்தீன் சிஸ்திக்கு அது எந்த வகையில் மகிழ்ச்சியை தரக்கூடும் என்று தெரியவில்லை. ஆனால் அவர் தனது நாட்டில் ஏழைகளின் வாழ்வு மலரவும் அதன் வழியாக இஸ்லாம் மிளிரவும் ஒரு சிறு துரும்பை அசைத்தாலும் போதும் மண்ணுக்கடியில் வாழும் அந்த மனிதர் சிலிர்ப்படையக்  கூடும்.   

ஆங்கில ஆட்சி அமைந்த பிறகு கவர்னர்கள் பலரும் இங்கு வந்து சென்றுள்ளனர். 1902 ல் கர்சன் பிரபு அஜ்மீருக்கு வந்தார். அப்போது இந்தியாவில் இந்த அடக்கவிடம் ஜாதி மத பேதமின்றி பேரரசு புரிகிறது என்று எழுதினார்.  

கர்சன் பிரபிவின் வார்த்தைகளை இன்றைய முஸ்லிம்கள் கவனிக்கட்டும். அனைத்து தரப்பு மக்களும் இஸ்லாமை தேடி வருகிற தளங்களாக இன்றளவும் தர்ஹாக்கள் திகழ்கின்றன.

இன்றைய உலகில் இஸ்லாம் செயல்பட வேண்டிய முக்கிய களமாக இந்தியா இருக்கிறது என்பதை வெகு தாமதமாக இன்றைய இஸ்லாமிய அறிஞர்கள் உணர்ந்து கொண்டிருக்கிறார்கள். இஸ்லாமின் நன்மை சுமார் 80 கோடி மக்களுக்கு தேவையுடையதாக இருக்கின்றது . போதை, ஆபாசம், வட்டி, சூது, சாதீய வன் கொடுமைகள், தீண்டாமை, உருவ வழிபாடு போன்ற தீமைகளிலிருந்து மீளாத காரணத்தால் துறவிகள் என்ற போர்வையில் இருக்கிற போலியான மனிதர்களின் மந்தைகளாக மக்கள் மாறிக் கொண்டிருக்கிறார்கள். கல்வி அறிவில் கலாச்சார முதிர்ச்சியில் தேர்ந்த பிறகும் கூட அந்த மாயைகளிலிருந்து விடுபடாமல் மேலும் மேலும் அதிலேயே திழைத்துக் கொண்டிருக்கின்றார்கள்.

இந்தியாவின் தொனமை வேதங்களான ரிக் யஜூர்  சாம வேதங்கள் உருவ வழிபாட்டிற்கு எதிரானவை. அத்வைத கோட்பாடு பிரம்மம் உருவற்றது என்கிறது. பண்டைய சித்தர்களும். இப்போதைய ராம் மோகன்ரம், வள்ளலார், தயானந்த சரஸ்வதி போன்றவர்களும் உருவ வழி பாட்டை மறுப்பவர்களே. ஸ்தூல வடிவில் தெய்வச் சிலையும் அது குடியிருக்க கோயிலும் வேத்த்தில் இல்லாதது என இந்திய தத்துவ இயல் அறிஞர்கள் ஒப்புக் கொள்கிறார்கள். இந்தியாவின் பண்டைய பாரம்பரியமே அரபுலகில் இஸ்லாமாக எழுச்சியுற்று திரும்பியிருக்கிறது. இந்திய மக்கள் கற்பொழுக்கத்திலும் கருணை மிக்க வாழ்விலும் நாட்ட முள்ளவர்கள் இஸ்லாம் என்பது அவர்களது வாழ்வோடு மிக நெருக்கமானது. இந்த எதார்த்தங்களை எளிதாக புரிய வைக்க தர்ஹாக்கள் துணை செய்வது போல வேறெதுவும் எளிதாக இருக்க முடியாது/

மக்களை நீங்கள் தேடிப் போக வேண்டியதில்லை. பிரசுரங்களை நீட்ட வேண்டியதில்லை, கேள்வி பதில்களை பதிவு செய்ய வீடியோகிராபர்களை அலைய விட வேண்டியதில்லை. முஸ்லிம்களை தேடி மக்கள் கூட்டம் கூட்டமாக தங்களது துயரங்களோடும் பிரச்சினைகளோடும் வருகிறார்கள். அவர்களை அங்கு கொண்டு சேர்ப்பதற்கு அரசு பேருந்துகளை இயக்குகிறது. இரயில் வசதி செய்து கொடுக்கிறது. சாலைகள் செப்பனிடப்படுகின்றன.

பக்குவமாகவும் முறையாகவும் செயல்பட்டால் இஸ்லாமின் நன்மகளை எடுத்துச் சொல்ல இதைவிட சிறப்பான தளம் வேறு ஏது?

ஒரு நாள் ஏர்வாடியில் செய்யது இபுறாகீம் ஷஹீத் வலியுல்லாஹ்வின் அடக்கதலத்திற்கு இடது புறமுள்ள மணல் வெளியில் நின்று கொண்டிருக்கிறேன். ஆறுதல் தேடியும் அடைக்கலம் நாடியும் நூற்றுக்கணக்கானோர் அந்த மணற்பரப்பில் திரண்டிருந்தார்கள். அவர்களுக்கு உதவுவதற்கோ ஆறுதல் சொல்லவோ, என்னெ செய்ய வேண்டும் என்று உள்ளச் சுத்தியோடு  வழி காட்டவோ யாரும் இல்லை

இங்கு வருகிறவர்கள் இறைநேசரின் மேல் கொண்ட மரியாதையில் வருகிறார்கள். முஸ்லிம்களின் மீதான அதிருப்தியோடு திரும்புகிறார்கள் என்றார் ஒரு நணபர். இது எவ்வளவு தூரம் சரி என்பது ஆய்வுக்குரியதாக இருக்கலாம். ஆனால் ஒன்று மட்டும் நிஜம்  காஜா முஈனுத்தீன் சிஸ்தியின் அக்கறையோடு உழைப்பவர்கள் இரண்டு பேர் இவர்களிடையே சுற்றி வந்தால் இந்தியாவில் புதிய மாற்றங்களுக்கு தர்ஹாக்கள் தலைவாசலாக இருக்கும்.

இலட்சக்கணக்கான மக்கள். தாமாக முன்வந்து மரியாதை செலுத்த வருவது ஒரு தனிமனிதருக்கு காட்டும் பக்தி என்று பார்க்காமல் அவரது இஸ்லாமிய வாழ்வுக்கும்,  சமுதாயப் பணிகளுக்கும், அவரால பெற்ற நனைக்கும் தருகிற மரியாதையே என்ற கண்ணோட்ட்த்தோடு தர்ஹாக்களைப் பார்க்க்கிற மனோநிலை சமுதாயத்தில் வளருமானால், அது இஸ்லாமின் ஈர்ப்பு சக்தியாக விளங்கிய நல்லடியார்களை அவர்களது மறைவிற்குப் பின்னரும் இஸ்லாமை நோக்கி மக்களை திரட்ட பயன்படும்.
அவ்வாறு பயன்பட வேண்டுமானால்
·         தர்ஹாக்களை இஸ்லாத்திற்கு எதிரானதாக காட்டும் முட்டாள தனத்திற்கு முதலில் முடிவு கட்டிவிட வேண்டும். அனாச்சாரங்களை சீர் செய்வது அதிருப்தி வழியில் ஒரு போதும் சாத்தியமாகாது என்பதை புரிந்து கொள்ள வேண்டும்.
·         இறைநேசர்களை உண்மையாக மதிப்பிடவும் மதிக்கவும் வேண்டும்.
·         அவர்கள் எப்படி இஸ்லாத்தை மக்களின் இதயத்திற்கு அருகே கொண்டு சென்றார்கள் என்ற வழி முறைகளை ஆயவு செய்யவும் அந்த வழிமுறைகளை பின்பற்றவும் வேண்டும்.
தர்ஹா வழிபாடு என்ற சொல்லில் சிறு மாற்றம் செய்து தர்ஹாக்களில் அடக்கமாகியிருப்போர் காட்டும் வழிக்கு வழிப்ப்படுவது என திருத்திக் கொள்வது குறித்து சமுதாயம் யோசிக்குமானால் தஃவாவிற்கான எதார்த்தமான வழிகள் ஏராளமாக திறக்கும்.
இன்னொரு முறை ஏதாவது ஒரு தர்ஹாவை கடந்து செல்லும் போது அந்த நல்லவருக்கு ஒரு சலாமை சொல்லி விட்டு இது பற்றி கொஞ்சம் யோசித்துப் பாருங்கள்!  5 கோடி தேவையில்லை. இவர் என்ன சாதனை செய்தார் என்று ஒரு ஐந்து நிமிடம் யோசியுங்கள் மாற்றங்களுக்கான வழிகள் அந்த நிமிட்த்திலிருந்து ஆரம்பமாகும்.